9 മണിയോടെ ഞങ്ങൾ പുറപ്പെട്ടു. നേരത്തെ കണ്ടു പരിചയിച്ചത് പോലെയുള്ള ഭൂപ്രദേശങ്ങളിലൂടെ തന്നെയാണ് യാത്ര. പച്ച കുന്നുകളും താഴ്‌വരകളും.  പോകുന്ന വഴിക്കു ചെറുതായി മഴ പെയ്തിരുന്നു.  വാദി ദർബത്ത് റോഡിലേക്ക് വാഹനം തിരിയുമ്പോൾ തന്നെ ദൂരെ മല മുകളിൽ ആർത്തലച്ചു വരുന്ന വലിയൊരു വെള്ളച്ചാട്ടം കാണാം. അവിടേക്ക് പക്ഷേ കാർ കൊണ്ടുപോകാൻ കഴിയില്ല, നടന്നു പോകണം.

വാദി ദർബത്തിലേക്കുള്ള വഴിയിൽ വാഹനം ഓടിക്കുമ്പോൾ നമ്മൾ കൊടൈക്കനാലിലേക്കോ ഊട്ടിയിലേക്കോ ആണോ പോകുന്നതെന്ന് തോന്നിപ്പോകും. വളരെ വലിയ മലകളാണ് ഇരു വശങ്ങളിലും.. മലയുടെ മുകൾ ഭാഗം കോടമഞ്ഞു കാരണം പലപ്പോഴും കാണാൻ കഴിയില്ല. ഞങ്ങൾ ചെല്ലുന്ന സമയത്ത് മഴ പൂർണ്ണമായും മാറി. വെയിൽ ഒട്ടും തന്നെ ഇല്ല താനും. 25-26 ഡിഗ്രിയാണ് പുറത്തെ temperature.  ഇതിൽ കൂടുതൽ എന്ത് വേണം.. എല്ലാം കൊണ്ടും എൻജോയ് ചെയ്യാൻ പറ്റിയ സാഹചര്യം.

പാർക്കിംഗ് ഏരിയയിൽ നിന്ന് താഴെക്കിറങ്ങിയാൽ നേരെ ചെല്ലുന്നതു 2 -3 ചെറിയ വെള്ളച്ചാട്ടങ്ങൾക്കടുത്തേക്കാണ്. വാദി ദർബത്ത് എന്നാൽ വിശാലമായ ഏരിയയിൽ പരന്നൊഴുകുന്ന അരുവിയാണ്. ചെറുതും വലുതുമായ പല വെള്ളച്ചാട്ടങ്ങൾ അരുവിയുടെ പല ഭാഗങ്ങളിലായി രൂപം കൊണ്ടിട്ടുണ്ട്. വെള്ള ചാട്ടം വന്നു പതിക്കുന്ന ഭാഗത്തു ചെറിയ ഏരിയ ആണെങ്കിൽ പോലും ബോട്ടിൽ ഒന്ന് കറങ്ങാനുള്ള സൗകര്യമുണ്ട്.  ചുറ്റുമുള്ള പച്ചപ്പിനിടയിലൂടെ ഒഴുകുന്ന പച്ച നിറത്തിലുള്ള വെള്ളം കാണാൻ അപാര ഭംഗിയാണ്.  കുറേ നേരം അവിടെ ചിലവഴിച്ചു,