Abu dhabi, in all ways, is one of the best city I have ever visited. If you plan a date to visit abudhabi, it's better to go around September to February when the climate is pleasant and gratifying to roam around. But if you have no other choice than to travel on a hot summer day, what can you do? Do you just finish your official works rather than being in a hot humid climate with a temperature of 50 degrees and a lot of sweat, and come back at a later time?

Not at all. What ever the climate, one should never miss the beauty of Abudhabi. It is an awe-inspiring  city - extremely clean with striking scenery. If your interest lies in cityscape, Abudhabi has a lot to offer. Also, Abudhabi, with its alluring landscapes, is never bound to disappoint you if that's what suits your taste.

So how to spend your time in Abudhabi when the weather is unbearably hot? The options are many. Though the way I spent my time in Abudhabi may not be acceptable to all due to variation in personal interests, I encourage you to give it a try and take everything with a grain of salt.

1. A drive through Abudhabi city :

A drive through the city of Abudhabi as such is a mind blowing experience. Unlike Dubai, the city is not crowded and the roads are not congested. Most of the roads and streets are connected to each other making it easy to come back if you accidentally take a wrong exit - which is quite impossible in Dubai.  The roads are very neatly maintained. Frequent signals and vigilant cameras are kept for monitoring the speed. The speed limit varies from 40 to 80 km/hr in the city.  Being able to travel with a speed of 80 km/hr in a major city is a boon.  Abudhabi has plenty of spectacular buildings which will definitely catch your eye during the drive. The architecture and engineering of the buildings are staggeringly unique. Some of them have unique shapes like the Aldar Headquarters building which is shaped like a coin. Other examples of such noteworthy buildings are the pineapple shaped building, the inclined Capital Gate hotel and the famous Sheikh Zayed Grand Mosque.The government is always vigilant in maintaining the beauty of the city. They don't even allow the occupants in big flats to keep their clothes visibly outside for drying them after wash !

These three images were taken 5 years ago on my first visit to Abudhabi.




2. The great malls of Abu Dhabi : 

Shopping is always a part of our trip. If shopping is part of your agenda, it's better reserve the hot hours for it. There are umpteen number of great malls in Abudhabi catering for everybody's shopping needs. You can enjoy shopping as well as the ambiance inside the malls without sweating under the harsh weather.  Marina mall, Yas mall, Delma mall and the coin  building of Aldar headquarters are some of the famous shopping centers in Abudhabi .

During my recent trip, I visited the Delma Mall. Though located a little far away from the town area, it is a worthy place to drop by. Delma Mall entices you with its fascinating architecture and delightful ambiance.

Sheikh Zayed Grand mosque : 

I consider the Sheikh Zayed Grand Mosque to be the most glorious place in Abudhabi . Built in 1996-2007 by the Syrian architect, Yousaf  Abdelkey, it is considered the largest mosque in the U.A.E.  The project was launched by the former president of U.A.E, Sheikh Zayed bin Sultan Al Nahyan, who now rests in peace near the mosque.  The U.A.E govt has considered the mosque as the main centre for tourism. The entry to the mosque is absolutely free and there are no restrictions for photography.  While photographing each and every corner of the mosque freely, I pondered over the unnecessary restrictions and ridiculous rules imposed in many attractive tourist spots in India. Mysore palace is one of the tourist sites where photography should be encouraged to promote tourism. Instead, photography is restricted. It is extremely sad to see that the people don't understand the importance of photography in tourism in India.
On a side note, if you happen to have a great photograph of Sheikh Zayed mosque in your stock, submit it to the authority and if found worthy enough, the photograph may be displayed inside the mosque !

If time permits, pay a visit to the mosque at both daylight and night to see the two different photographic perspectives of the mosque.  Take a few snaps in the day time to capture the architectural beauty of the mosque.  The mosque is exceptionally beautiful during sunset and at night when the lights are switched on.







 A shallow water pool has been created, outside the mosque - opposite to the road, exclusively to get a reflection of the mosque. You can capture stunning images of the mosque from this area. This spot highlights the careful efforts and picturesque imagination the authority has put in for the mosque.


If you wait for some time here, you might get some fresh, sweet dates if the wind is strong enough.

പല തരത്തിലുള്ള വീടുകള്‍ ഇവിടെയുണ്ട്. മിക്കവയും എല്ലാം തന്നെ പകുതിയോ അതിലേറെയോ പൊളിഞ്ഞവയാണ്. ഏറ്റവും പഴയ വീടുകള്‍ ഈന്തപനയുടെ ഓല കൊണ്ട് മേല്‍ക്കൂര മേഞ്ഞവയാണ്. എന്നാല്‍ താരതമ്യേനെ പുതിയ വീടുകള്‍ കോണ്ക്രീറ്റ് മേല്‍ക്കൂര ഉള്ളവയാണ്. ഭിത്തി നിര്‍മ്മിച്ചിരിക്കുന്നത് മണ്ണും കല്ലും പവിഴക്കല്ലുകളും ഉപയോഗിച്ചാണ്. ചില വീടുകളുടെ അകവശം ഇപ്പോഴും മികച്ച നിലവാരം പുലര്‍ത്തുന്നവയാണ്. തറയിലും ചുവരിലും കൊടുത്ത നിറങ്ങള്‍ മങ്ങാതെ കിടപ്പുണ്ട് ചില വീടുകളില്‍ ..


അകലെ പഴയ പ്രതാപത്തിന്റെ ലാഞ്ചന ഇപ്പോഴും നിലനിര്‍ത്തുന്ന ഒരു പഴയ ജീപ്പ് കിടക്കുന്നു.. നൂറ്റാണ്ടുകള്‍ക്കു ശേഷവും ബോഡി കേടു കൂടാതെയുണ്ട്

കഴിഞ്ഞ വര്‍ഷം നടന്ന സംഭവമാണ്.. ഡോക്ടര്‍മാര്‍ക്ക് എതിരെയുള്ള ആക്രമണങ്ങളുടെ ദൃശ്യങ്ങള്‍ തുടര്‍ച്ചയായി കാണേണ്ടി വന്നപ്പോള്‍ വീണ്ടും ഓര്‍ത്തു എന്ന് മാത്രം..

ഒപിയില്‍ ഏതാണ്ട് ഉച്ചയോടടുതാണ് തളര്‍ന്നു അവശയായ  50 വയസുള്ള ആ സ്ത്രീയെ ഞാന്‍ കാണുന്നത്. കടുത്ത പനിയും ശരീര വേദനയുമാണ് പ്രശ്നം. തലേ ദിവസം രാത്രി അത്യാഹിത വിഭാഗത്തില്‍ ഇതേ പ്രശ്നവുമായി വന്നു ഡ്യൂടി ഡോക്ടറെ കണ്ടിട്ടുണ്ട്.  രോഗിയെ പരിശോധിച്ച ശേഷം ഡോക്ടര്‍ അവരോടു അഡ്മിറ്റ്‌ ആവാന്‍ നിര്‍ദേശിച്ചിരുന്നു.. എന്നാല്‍ അഡ്മിറ്റ്‌ വേണ്ട, നാളെ ഒപിയില്‍ വന്നു ഡോക്ടറെ കണ്ടോളാം , തല്ക്കാലം മരുന്ന് തന്നു വിട്ടാല്‍ മതി എന്നായിരുന്നു അപ്പോഴത്തെ മറുപടി.

 ( തല്ക്കാലം എന്തെങ്കിലും മരുന്ന് എന്ന സമ്പ്രദായം തന്നെ നിലവില്‍ ഇല്ല എന്ന് ഇപ്പോഴും നമ്മുടെ നാട്ടുകാര്‍ മനസിലാക്കിയിട്ടില്ല.. പനിയും മേലുവേദനയും പല അസുഖങ്ങള്‍ക്കും പൊതുവായി കാണുന്ന ലക്ഷണങ്ങള്‍ ആണ്.. ഏതു അസുഖം എന്ന് വ്യക്തത വരുത്താതെ എങ്ങനെയാണ് ചികിത്സിക്കുക? )

3 ദിവസമായി പനി തുടങ്ങിയിട്ട്.  തനിയെ മാറിക്കോളും എന്ന് വച്ച് ഇരുന്നു ആദ്യം. പനി കൂടുതലായി ചെറുതായി ശ്വാസം മുട്ടല്‍ അനുഭവപ്പെട്ടപ്പോളാണ് രാത്രി അത്യാഹിത വിഭാഗത്തില്‍ കൊണ്ട് വന്നത്. ഞാന്‍ നോക്കുന്ന സമയത്തും കടുത്ത പനിയുണ്ട്. മേലുവേദനയും സാമാന്യം നന്നായി ശ്വാസം മുട്ടലും ഉണ്ട്. സംസാരിച്ചു മുഴുവനാക്കാന്‍ കഴിയാതെ കിതക്കുന്ന കാരണം കൂടെയുള്ള മകനാണ് കാര്യങ്ങള്‍ വിശദീകരിച്ചു തരുന്നത്.

"ഇപ്പോഴത്തെ അവസ്ഥ കണ്ടിട്ട് ഒരു സുഖം തോന്നുന്നില്ല. വിശധമായ പരിശോധനകളും ടെസ്റ്റുകളും ആവശ്യമാണ്‌. ശ്വാസം മുട്ടുള്ളത് കാരണം ICU വില്‍ അഡ്മിറ്റ്‌ ചെയ്യണം"
എന്താ പ്രശ്നം.. അമ്മക്ക് അത്ര കുഴപ്പം ഒന്നും ഇല്ലല്ലോ.. അഡ്മിറ്റ്‌ വേണ്ട, ICU..എന്തായാലും വേണ്ട.. മകന്‍റെ മറുപടി.

കടുത്ത പനിയും മേലുവേദനയും കൂടെ ചെറിയ മഞ്ഞപിത്തം കാണുന്നുണ്ട്. ശ്വാസം മുട്ടലും എല്ലാം കൂടി നോക്കുമ്പോള്‍ എലിപ്പനി പോലത്തെ ഗൗരവം കൂടിയ അസുഖങ്ങളെ പോലെ തോന്നിക്കുന്നു.. പക്ഷെ രക്ത പരിശോധനകളും xray , വയറിന്‍റെ സ്കാന്‍ തുടങ്ങിയവ എല്ലാം കഴിഞ്ഞ ശേഷമേ കൂടുതല്‍ വ്യക്തമാവൂ എന്ന് പറഞ്ഞപ്പോള്‍ അഡ്മിറ്റ്‌ ആവാന്‍ സമ്മതിച്ചു.

ഒപി കഴിഞ്ഞു പോവാന്‍ നേരം icu വില്‍ പോയി വീണ്ടും രോഗിയെ കണ്ടു. പ്രാഥമിക രക്ത പരിശോധനകളുടെ റിപ്പോര്‍ട്ടുകള്‍ എല്ലാം  എലിപ്പനിയുടെത് പോലെ തന്നെ.. അപ്പോഴേക്കും ശ്വാസം മുട്ട് വീണ്ടും കൂടി. Xray യില്‍ ARDS ന്‍റെ ലക്ഷണങ്ങള്‍.. ARDS എന്നാല്‍ എലിപ്പനി ഉള്‍പ്പെടെയുള്ള ഗുരുതരമായ അസുഖങ്ങളുടെ ഏറ്റവും മോശമായ അവസ്ഥകളില്‍ ഒന്നാണ്. ARDS വന്നാല്‍ അതിലേക്കു നയിച്ച അസുഖം എന്തുമായിക്കോട്ടെ 60% വരെ മരണ സാധ്യതയുണ്ട്. കാര്യങ്ങള്‍ ഞാന്‍ വിചാരിച്ചതിലും മോശമാണ്.. രോഗിയെ ventilator ലേക്ക് മാറ്റെണ്ടതുണ്ട്. ഇപ്പോഴത്തെ അവസ്ഥയില്‍ അധികം പിടിച്ചു നില്ക്കാന്‍ കഴിയില്ല. രക്തത്തിലെ ഒക്സിജെന്‍ അളവ് കുറഞ്ഞു തുടങ്ങി.

ശ്വാസകോശ രോഗ വിധഗ്ദ്ധനുമായും ക്രിട്ടിക്കല്‍ കെയര്‍ മേല്‍നോട്ടം വഹിക്കുന്ന ഡോക്ടറുമായും കാര്യങ്ങള്‍ ചര്‍ച്ച ചെയ്തു.. എത്രയും പെട്ടന്ന് ventilator ലേക്ക് മാറ്റുന്നതാണ് നല്ലതെന്ന് അവരും അഭിപ്രായപ്പെട്ടു.

ventilator ന്‍റെ ആവശ്യകത അവരെ പറഞ്ഞു മനസിലാക്കുക എന്നതായിരുന്നു എന്‍റെ മുന്നിലെ ആദ്യത്തെ വെല്ലുവിളി.. ശ്രമകരമായ ജോലിയാണ്. കാരണം രോഗിയുടെ ബന്ധുക്കളുടെ കണ്ണിലൂടെ നോക്കിയാല്‍ രോഗിക്ക് ബോധം ഉണ്ട്, കിതപ്പോടെയാണെങ്കിലും സംസാരിക്കുന്നുണ്ട്..ഇത്തരം ഒരു രോഗിയെ എന്തിനു ventilator ലേക്ക് മാറ്റണം എന്ന് സ്വാഭാവികമായും സംശയം ഉണ്ടാവാം.. പ്രത്യേകിച്ച് ventilator നെ കുറിച്ച് വളരെ ശക്തമായ പല അബദ്ധ ധാരണകളും ജനങ്ങള്‍ക്കിടയില്‍ നിലവിലുള്ളപ്പോള്‍.. ventilator ഇല്‍ ഉള്ള രോഗികള്‍ ഒരിക്കലും രക്ഷപ്പെടില്ല എന്നതാണ് അവയില്‍ പ്രധാനം.. മറ്റൊന്ന് ആശുപത്രികള്‍ രോഗികളെ പിഴിഞ്ഞ് പണം ഉണ്ടാക്കുന്ന ഉപാധികളില്‍ ഒന്നാണ് ventilator എന്നതും.. ചികിത്സിക്കുന്ന ഡോക്ടര്‍ എന്ന നിലയ്ക്ക് യാതൊരു സംശയവും ഉണ്ടാവാത്ത രീതിയില്‍ കാര്യങ്ങള്‍ പറഞ്ഞു കൊടുക്കല്‍ എന്‍റെ ബാധ്യതയുമാണ്.

ICU വിനു പുറത്തു അപ്പോള്‍ അവരുടെ ഭര്‍ത്താവ് മാത്രമാണ് ഉള്ളത്. നേരത്തെ ഞാന്‍ കണ്ട മകന്‍ അപ്പോള്‍ അവിടെ ഇല്ല. ഭാര്യയുടെ കാര്യത്തില്‍ തീരുമാനം എടുക്കാന്‍ ഏറ്റവും അവകാശം ഭര്‍ത്താവിനു തന്നെ ആണല്ലോ.. അയാളെ ഞാന്‍ icu വിനു അകത്തു കൊണ്ട് പോയി രോഗിയെ കാണിച്ചു കൊടുത്തു.. അപ്പോഴത്തെ അവസ്ഥയും ഏതാനും മണിക്കൂറുകള്‍ക്കുള്ളില്‍ ഉണ്ടാവാന്‍ പോവുന്ന പ്രശ്നങ്ങളെ കുറിച്ചും വിശദമായി പറഞ്ഞു മനസിലാക്കി. രോഗിയുടെ അവസ്ഥ ഗുരുതരമാണെന്നും പറഞ്ഞുകൊടുത്തു. കാര്യങ്ങള്‍ എല്ലാം മനസിലാക്കിയ ശേഷം ventilator ലേക്ക് മാറ്റാന്‍ സമ്മത പത്രം എഴുതി ഒപ്പിട്ടു തന്നു.. ഉടനെ തന്നെ ventilator ലേക്ക് മാറ്റുകയും ചെയ്തു.

രാത്രി റൌണ്ട്സ് നു ചെല്ലുമ്പോള്‍ പ്രതീക്ഷിച്ച പോലെ വീട്ടുകാരും നാട്ടുകാരും ഉള്‍പ്പെടെ വലിയൊരു ആള്‍ക്കൂട്ടം തന്നെ ഉണ്ട്.  പിന്നെ ചോദ്യങ്ങളുടെ പെരുമഴ തന്നെ ..

രണ്ടു ആണ്മക്കളെ അകത്തേക്ക് വിളിപ്പിച്ചു ഞാന്‍ സംസാരിക്കാന്‍ വേണ്ടി ഇരുന്നു..

" അമ്മക്ക് എന്താണ് അസുഖം"?
" എലിപ്പനിയാണെന്ന് ശക്തമായി സംശയിക്കുന്നു "
 " എപ്പോള്‍ ഉറപ്പാവും ?

എലിപ്പനിക്കുള്ള ഒരു ടെസ്റ്റ്‌ വിട്ടിട്ടുണ്ട്. റിസള്‍ട്ട്‌ ആയിട്ടില്ല. പക്ഷെ എല്ലാ ലക്ഷണങ്ങളും എലിപ്പനിയുടെത് ആയതിനാല്‍ ചികിത്സ തുടങ്ങിയിട്ടുണ്ട്. റിസള്‍ട്ട്‌ വരുന്നത് വരെ കാത്തു നില്ക്കാന്‍ കഴിയില്ല. വൈകും തോറും ജീവന്‍ അപകടത്തിലാവും

അപ്പോള്‍ ഉറപ്പില്ലാതെ എലിപ്പനിക്കുള്ള മരുന്ന് കൊടുത്താല്‍ പ്രശ്നം ആവില്ലേ?

'ഇല്ല. എലിപ്പനി എന്നത് ഒരു തരം അണുബാധയാണ് . എലിപ്പനിയെ പോലെ തന്നെ ലക്ഷണങ്ങള്‍ കാണിക്കുന്ന മറ്റു അണുക്കളും ഉണ്ട്.  അതുകൊണ്ട് അണുബാധക്ക് എതിരെയുള്ള antibiotic മരുന്ന് തിരഞ്ഞെടുക്കുമ്പോള്‍ എലിപ്പനിയുടെത് ഉള്‍പ്പെടെയുള്ള, എല്ലാ അണുക്കളെയും ചികിത്സിക്കാന്‍ ഉപയോഗിക്കുന്ന ഒന്നോ രണ്ടോ മരുന്ന് തിരഞ്ഞെടുക്കല്‍ ആണ് പ്രായോഗികമായ രീതി. അങ്ങനെയാണ് ആധുനിക വൈദ്യ ശാസ്ത്രത്തിന്റെ രീതി. ഞാന്‍ ഇപ്പോള്‍ ചെയ്തു കൊണ്ടിരിക്കുന്നതും അതുതന്നെയാണ്. മാത്രമല്ല എലിപ്പനിക്കു വേണ്ടി വിട്ടു എന്ന് പറഞ്ഞ ടെസ്റ്റിനു  ഞാന്‍ അധികം പ്രാധാന്യം കൊടുക്കുന്നില്ല. ടെസ്റ്റ്‌ പോസിറ്റീവ് ആയി കിട്ടാനുള്ള സാധ്യത പല കാര്യങ്ങളെ ആശ്രയിച്ചിരിക്കുന്നു.. ലോകത്ത് നിലവിലുള്ള ഒരു ടെസ്റ്റും നൂറു ശതമാനം കൃത്യത ഉള്ളതല്ല. ചില ടെസ്റ്റുകള്‍ പോസിറ്റീവ് ആയി വരാന്‍ രോഗം തുടങ്ങി ഏതാനും ദിവസങ്ങള്‍ എടുക്കും.  അതിനു മുന്നേ ടെസ്റ്റ്‌ അയച്ചാല്‍ നെഗറ്റീവ് ആയിരിക്കും . പിന്നെ ചെയ്യുന്ന ലാബുകളുടെ നിലവാരവും എല്ലാം ആശ്രയിച്ചിരിക്കും റിസള്‍ട്ട്‌ . അതുകൊണ്ട് റിസള്‍ട്ട്‌ നെഗറ്റീവ് ആണെങ്കില്‍ പോലും എന്‍റെ നിഗമനത്തിലോ ചികിത്സയിലോ മാറ്റം ഉണ്ടാവില്ല"

അമ്മക്ക് എങ്ങനെ എലിപ്പനി പിടിപെട്ടു?

എലിയുടെ മൂത്രം കലര്‍ന്ന വെള്ളം ശരീരവുമായി സമ്പര്‍ക്കം വരുമ്പോള്‍ ആണ് അസുഖം പകരുന്നത്... സാധാരണ പാടത്തു ജോലി ചെയ്യുന്നവര്‍, തെരുവുകളിലും അതുപോലെയുള്ള വൃത്തിഹീനമായ പരിസരങ്ങള്‍ വൃത്തി ആക്കുന്നവരും കുളം പോലെയുള്ള പൊതു സ്ഥലങ്ങളില്‍ കുളിക്കുന്നവര്‍ക്കുമെല്ലാം രോഗം പിടിപെടാന്‍ സാധ്യതയുണ്ട് ..

ആ .. അമ്മ സ്ഥിരം കുളത്തിലാണ് കുളിക്കുന്നത്.. പക്ഷെ അതെ കുളത്തില്‍ കുളിക്കുന്ന ഞങ്ങള്‍ക്ക് അസുഖം പിടിപെട്ടില്ലല്ലോ  അതെന്താ?

രോഗം പിടിപെടുന്നത് പല കാര്യങ്ങളെ ആശ്രയിച്ചിരിക്കും.. ത്വക്കിലെ ചെറിയ പോറലുകളിലൂടെയും മുറിവുകളിലൂടെയും മറ്റുമാണ് രോഗാണു ഉള്ളില്‍ എത്തുന്നത്‌.. അത് എല്ലാവര്‍ക്കും ഒരുപോലെ കാണില്ലല്ലോ.. പിന്നെ ഓരോരുത്തരുടെയും രോഗ പ്രധിരോധ ശേഷിയും വ്യത്യസ്തമായിരിക്കും..

ശരി.. ഇവിടെ എല്ലാ ചികിത്സയും ഉണ്ടോ അതോ ഞങ്ങള്‍ വേറെ എവിടെക്കെങ്കിലും കൊണ്ട് പോണോ ?

അക്കാര്യത്തില്‍ കുറച്ചു വിശദീകരിക്കാനുണ്ട്.  അമ്മ ഇപ്പോള്‍  വളരെ മോശം സ്ഥിതിയിലാണ്. എലിപ്പനി ശ്വാസകോശത്തെയും കരളിനെയും ഇപ്പോള്‍ തന്നെ ബാധിച്ചിട്ടുണ്ട്. ഇത്തരം രോഗികള്‍ മരണപ്പെടാനുള്ള സാധ്യത 60% വരെയാണ്.. എലിപ്പനി സാധാരണയായി ബാധിക്കുന്ന മറ്റൊരു അവയവമാണ് കിഡ്നി. ഇപ്പോള്‍ ചെയ്ത ടെസ്റ്റുകളില്‍ കിഡ്നി നോര്‍മല്‍ ആണെങ്കിലും നാളെയോ അടുത്ത ദിവസങ്ങളിലോ കിഡ്നിയുടെ പ്രവര്‍ത്തനം തകരാറിലാവാനുള്ള സാധ്യതയുണ്ട്. ഇപ്പോള്‍ തന്നെ കിഡ്നിക്ക് സംഭവിച്ച തകരാറുകള്‍ രക്ത പരിശോധനയില്‍ അറിയാന്‍ കൂടുതല്‍ സമയം എടുക്കും. അനേകം എലിപ്പനികള്‍ ചികിത്സിച്ച ഒരു പരിചയം വച്ച് പറയുകയാണെങ്കില്‍ കിഡ്നി തകരാര്‍ വരാനുള്ള സാധ്യത കാണുന്നുണ്ട് . അത്തരത്തില്‍ കിഡ്നി തകരാര്‍ വന്നാലും എല്ലാ ചികിത്സകളും നല്‍കാനുള്ള സൗകര്യം ഇവിടെയുണ്ട്.. പക്ഷെ രോഗി രക്ഷപ്പെടും എന്ന ഒരു ഉറപ്പു നല്‍ക്കാന്‍ കഴിയില്ല.  അത് ചികിത്സയുടെ കുറവുകൊണ്ടല്ല, അസുഖം അത്തരം ഒരു അവസ്ഥയില്‍ എത്തിയതുകൊണ്ടാണ്..

" അപ്പോള്‍ പിന്നെ ഞങ്ങള്‍ കൊണ്ട് പോവട്ടെ മറ്റെവിടെക്കെങ്കിലും ?"

"മറ്റു എവിടെ കൊണ്ടുപോയാലും ചികിത്സയിലും രോഗിക്ക് ഉണ്ടാവാന്‍ പോവുന്ന പ്രശ്നങ്ങളിലും മാറ്റം ഉണ്ടാവില്ല.  ഇപ്പോള്‍ ഞാന്‍ പറഞ്ഞ കാര്യങ്ങള്‍ വേറെ ഒരു ഡോക്ടറുടെ ശബ്ദത്തില്‍  വീണ്ടും കേള്‍ക്കാം എന്ന് മാത്രം.. പക്ഷെ ചികിത്സ എവിടെ വേണം എന്ന് തീരുമാനിക്കാന്‍ ഉള്ള പൂര്‍ണ്ണ സ്വാതന്ത്ര്യം നിങ്ങള്‍ക്കുണ്ട്. വേറെ ഏതെങ്കിലും ഹോസ്പിറ്റല്‍ മതി എന്നാണു തീരുമാനം എങ്കില്‍ കൊണ്ടുപോവാനുള്ള സൗകര്യങ്ങള്‍ ചെയ്തു തരാം"

" ഇവിടന്നു വിട്ട ശേഷം മറ്റേ ആശുപത്രിയില്‍ എത്തുന്നത്‌ വരേക്കു രോഗിക്ക് ഒന്നും സംഭവിക്കില്ല എന്ന് ഉറപ്പുണ്ടോ ?"

"നിങ്ങളോട് ഇപ്പോള്‍ സംസാരിച്ചു കൊണ്ട് നില്‍ക്കുന്ന എന്‍റെ കാര്യം തന്നെ അടുത്ത നിമിഷം എന്താവും എന്ന് എനിക്ക് ഒരു ഉറപ്പും ഇല്ല.. എന്നിട്ടല്ലേ ventilator ഇല്‍ ഉള്ള ഗുരുതരാവസ്ഥയില്‍  ഉള്ള ഒരു രോഗിയുടെ കാര്യം !!"

പിന്നെ ബന്ധുക്കള്‍ തമ്മില്‍ കൂട്ട ചര്‍ച്ച.. ഇടയ്ക്കു വീണ്ടും പല ആളുകള്‍ മാറി മാറി വന്നു എന്നോട് കാര്യങ്ങള്‍ തിരക്കി.. എല്ലാവരോടും ഒരേ കാര്യങ്ങള്‍ പലതവണ പറഞ്ഞു.. രോഗി ഗുരുതരാവസ്ഥയില്‍ ആണെങ്കില്‍ ഇതെല്ലം പതിവുള്ള കാര്യങ്ങളാണ്..

അവസാനം തല്ക്കാലം മറ്റെങ്ങും കൊണ്ട് പോവുന്നില്ല.. ചികിത്സ ഇവിടെ തന്നെ തുടരാം എന്ന തീരുമാനത്തില്‍ ബന്ധുക്കള്‍ എത്തിച്ചേര്‍ന്നു.. പക്ഷെ ഒരു ഡിമാന്റ്..  തൃശ്ശൂരിലെ ഒരു സ്വകാര്യ ആശുപത്രിയിലെ ഒരു ശ്വാസ കോശ രോഗ വിദഗ്ദ്ധന്റെ ഉപദേശം ഞങ്ങള്‍ തേടണം.. ശ്വാസ കോശ രോഗ വിദഗ്ധന്‍ ഉള്ള്പെടെയുള്ള ഒരു ടീം ആയിട്ടാണ് ഞങ്ങള്‍ ചികിത്സിക്കുന്നത്, ഞാന്‍ എന്ന ഒരു വ്യക്തി മാത്രം അല്ല, രോഗിയെ നേരിട്ട് കണ്ടു ചികിത്സിക്കുന്ന ഞങ്ങളെക്കാള്‍ കൂടുതല്‍ എന്ത് നിഗമനമാണ് ഒരിക്കല്‍ പോലും രോഗിയെ കണ്ടിട്ടില്ലാത്ത , ദൂരെ എങ്ങോ ഇരിക്കുന്ന, രോഗിയുടെ വിവരം ഞങ്ങളുടെ വാക്കുകളിലൂടെ മാത്രം അറിയാന്‍ കഴിയുന്ന മറ്റൊരു ഡോക്ടര്‍ക്ക് ഉണ്ടാവാന്‍ പോവുന്നത് എന്ന എന്റെ ചോദ്യം അവര്‍ അന്ഗീകരിച്ചില്ല.. ഞാന്‍ വിളിച്ചേ പറ്റൂ..നിര്‍ബന്ധിച്ചു കൊണ്ടേ ഇരിക്കുന്നു.. ശരി ഇനി അതിന്റെ ഒരു കുറവ് വേണ്ട..  ബന്ധുക്കളുടെ സമാധാനത്തിനു വേണ്ടി ഞങ്ങളുടെ pulmonologist മേല്‍ പറഞ്ഞ ഡോക്ടറുമായി കാര്യങ്ങള്‍ സംസാരിച്ചു ..ഞങ്ങള്‍ ചെയ്യുന്ന കാര്യങ്ങള്‍ അതുപോലെ തുടരാന്‍ തന്നെ പറഞ്ഞു. അല്ലാതെ എന്ത് പറയാന്‍..

പിറ്റേ ദിവസം രാവിലെ ആയപ്പോളേക്കും പ്രതീക്ഷിച്ച പോലെ കിഡ്നിയുടെ പ്രവര്‍ത്തനം മന്ദ ഗതിയിലായി . മൂത്രത്തിന്റെ അളവില്‍ കുറവ് വന്നു തുടങ്ങി. ഇക്കാര്യം സൂചിപ്പിച്ചപ്പോള്‍ ഉടനെ വന്ന ചോദ്യം എന്നെ ഞെട്ടിച്ചു..
" അല്ല ഡോക്ടറെ അമ്മയെ ഞങ്ങള്‍ ഇങ്ങോട്ട് കൊണ്ട് വരുമ്പോള്‍ അമ്മയ്ക്ക് ഒരു കുഴപ്പവും ഉണ്ടായിരുന്നില്ലല്ലോ.. അപ്പോള്‍ എലിപ്പനിയാണോ എന്ന് ഉറപ്പില്ലാതെ നിങ്ങള്‍ കൊടുത്ത മരുന്നുകൊണ്ടല്ലേ അമ്മയുടെ കിഡ്നി കേടായത്? "

ഒരു ഡോക്ടറെ ഏറ്റവും അധികം വെറുപ്പിക്കുന്നതും അപമാനിക്കുന്നതുമായ അതെ ചോദ്യം..എന്നാലും ക്ഷമ കൈവിടാതെ ഞാന്‍ ഒരു മറു ചോദ്യം ഉന്നയിച്ചു

" അപ്പോള്‍ ഒരു കുഴപ്പവും ഇല്ലാതെ വീട്ടില്‍ സ്വസ്ഥമായി ഉറങ്ങികൊണ്ടിരുന്ന അമ്മയെ എന്തിനാണ് നിങ്ങള്‍ അര്‍ദ്ധരാത്രി വണ്ടി വിളിച്ചു അത്യാഹിത വിഭാഗത്തില്‍ കൊണ്ട് വന്നു കാണിച്ചത്? "

മറുപടി ഒരു പരുങ്ങലും പിന്നെ മൗനവും..

" അപ്പോള്‍ അമ്മയ്ക്ക് കുഴപ്പം ഉണ്ടായിരുന്നു.. അതുകൊണ്ടാണ് ആശുപത്രിയില്‍ വന്നത്.  ചികിത്സ തുടങ്ങിയ ഏതാനും മണിക്കൂറിനുള്ളില്‍ തന്നെ അസുഖം കിഡ്നിയെ ബാധിക്കാന്‍ സാധ്യത ഉണ്ടെന്നു ഞാന്‍ പറഞ്ഞിരുന്നല്ലോ .. പിന്നെ ഞാന്‍ കൊടുത്ത മരുന്നുകള്‍ എല്ലാം ആശുപത്രിയുടെ ഫാര്‍മസിയില്‍ നിന്നും നിങ്ങള്‍ നേരിട്ടാണ് പോയി വാങ്ങിചിട്ടുള്ളത്.. വാങ്ങിയ മരുന്നുകളുടെ എല്ലാ ബില്ലും നിങ്ങളുടെ കയ്യില്‍ ഉണ്ട്.. നിങ്ങള്ക്ക് വിശ്വാസമുള്ള ഒരു ഡോക്ടറെ കൊണ്ട് വേണമെങ്കില്‍  മരുന്ന് പരിശോധിപ്പിക്കാമല്ലോ അവയില്‍ ഏതെങ്കിലും മരുന്നുകള്‍ കിഡ്നിക്ക് പ്രശ്നം ഉണ്ടാക്കുമോ എന്ന് !. മരുന്നല്ല, അസുഖമാണ് കിഡ്നി കേടാക്കിയത് .."

" ഞങ്ങള്‍ അറിവില്ലായ കൊണ്ട് ചോദിക്കുകയാണ്.. സാര്‍ കാര്യമാക്കണ്ട എന്ന് ഒരു ആശ്വാസ വാക്ക് ഉതിര്‍ന്നു വീണു ഉടന്‍..
ശരി .. എനിക്കും സന്തോഷം..

അത്യാവശ്യമായി ഒരു സ്ഥലം വരെ പോവേണ്ടി വന്നതിനാല്‍ അന്ന് വൈകുന്നേരം രോഗിയെ കണ്ടത് എന്‍റെ ജൂനിയര്‍ physician ആണ്. എലിപനിയുടെ ടെസ്റ്റ്  IgM Leptospira റിസള്‍ട്ട്‌ ആ സമയം ആയപ്പോഴേക്കും എത്തി . ടെസ്റ്റ് നെഗറ്റീവ് ആയിരുന്നു. അക്കാര്യം ഡോക്ടര്‍ രോഗിയുടെ കൂടെ ഉള്ള ആളുകളെ അറിയിക്കുകയും ചെയ്തു..

പിറ്റേ ദിവസം രാവിലെ ശ്വാസകോശത്തിന്റെ നില കൂടുതല്‍ മെച്ചപ്പെട്ടെങ്കിലും കിഡ്നിയുടെ പ്രവര്‍ത്തനം വീണ്ടും കുറഞ്ഞു.. മൂത്രം ഒട്ടും ഇല്ല. ഡയാലിസിസ് ചെയ്യുകയെ നിര്‍വാഹമുള്ളൂ..  ഇക്കാര്യം അറിയിച്ചപ്പോള്‍ കൂടെയുള്ളവരുടെ മട്ടു മാറി..

ആദ്യം പറഞ്ഞു എലിപ്പനിയാണ് എന്ന്.. ഇന്നലെ പറഞ്ഞു എലിപ്പനി അല്ല എന്ന്.. പിന്നെ എന്താണ് ഇത് ??

എലിപ്പനിയുടെ ടെസ്റ്റ്‌ നെഗറ്റീവ് ആണെന്നല്ലേ പറഞ്ഞത് അല്ലാതെ എലിപ്പനി അല്ല എന്നല്ലല്ലോ.. ഡോക്ടര്‍മാര്‍ രോഗ നിര്‍ണ്ണയം നടത്തുന്നത് ഏതെങ്കിലും ഒരു ടെസ്റ്റ് മാത്രം ആശ്രയിച്ചല്ല.. അതല്ല ശാസ്ത്രീയമായ രീതി.. 99% ലക്ഷണങ്ങളും എലിപ്പനിയുടെത് ആണെങ്കില്‍ 1% അതിനു യോജിക്കുന്നില്ലെങ്കില്‍ ആ 1% തള്ളി കളയണം. അല്ലാതെ ബാക്കി 99% അല്ല തള്ളെണ്ടത്.. ഇക്കാര്യം ഞാന്‍ നേരത്തെ സൂചിപ്പിച്ചിരുന്നല്ലോ..

"എന്നാലും അമ്മക്ക് ഇവിടെ വരുമ്പോള്‍ ഒരു കുഴപ്പവും ഇല്ല , നിങ്ങള്‍ കൊടുത്ത മരുന്നല്ലേ അമ്മയെ ഈ അവസ്ഥയില്‍ ആക്കിയത് ".. വീണ്ടും അതെ വ്യക്തി , അതെ ചോദ്യം..

ക്ഷമക്ക് ഒരു പരിധി ഇല്ലേ.. രോഗിക്കും കൂടെ വരുന്ന ആളുകള്‍ക്കും മാത്രം അല്ലല്ലോ മാനവും അപമാനവും വികാരവും ഒക്കെ ഉള്ളൂ.. സ്വാഭാവികമായും എന്റെ മുഖ ഭാവം മാറി കാണും. ഞാന്‍ ഒരു മികച്ച അഭിനേതാവ് അല്ല എന്നെനിക്കറിയാം. മുഖത്തെ ഭാവം മൂടി വെക്കാന്‍ കഴിഞ്ഞു കാണില്ല
ഇതിനുള്ള മറുപടി ഞാന്‍ നേരത്തെ പറഞ്ഞതാണല്ലോ.. കുറച്ചു ഉച്ചത്തില്‍ തന്നെ ഞാന്‍ പറഞ്ഞു..
ഉടനെ പഴയ മറുപടി.. ഞങ്ങള്‍ അറിവില്ലാത്തവര്‍ ആണ്.. അതാ ഇങ്ങനെ..

അറിവില്ലായ്മ ആരോടും എന്തും പറയാനുള്ള ലൈസെന്‍സ് അല്ല എന്ന് എനിക്ക് പറയാതിരിക്കാന്‍ കഴിഞ്ഞില്ല..

ഉടനെ എന്റെ കാലില്‍ വീഴുന്നു.. .. മതി ഷോ കാണിച്ചത് എന്ന് പറഞ്ഞു ഞാന്‍ പുറകോട്ടു മാറി.. നിരവധി തവണ പറഞ്ഞിട്ടും ഒരേ ചോദ്യം തന്നെ ചോദിച്ചു അപമാനിക്കുന്നു.. എന്നിട്ട് അറിവില്ലാത്തവരായത് കൊണ്ട് എന്ന് പറഞ്ഞു കാലില്‍ വീഴുന്നു... !!

ഞങ്ങള്‍ വേറെ ആശുപത്രിയിലേക്ക് കൊണ്ട് പോവുന്നു.. തൃശ്ശൂരിലെ സ്വകാര്യ ആശുപത്രിയിലേക്ക് പോവുകയാണ്..

ശരി.. അങ്ങനെയാവട്ടെ.. ഞാന്‍ വിശദമായ ചികിത്സാ വിവരങ്ങള്‍ എല്ലാം എഴുതി തയ്യാറാക്കി റഫറന്‍സ് ലെറ്റര്‍ കൊടുത്തു .. ventilator സൗകര്യം ഉള്ള ആംബുലന്‍സ് ഏര്‍പ്പാടാക്കി.

പോവുന്ന വഴിക്ക് ആംബുലന്‍സില്‍ വച്ച് രോഗിക്ക് അസ്വസ്ഥത.. നെഞ്ഞിടിപ്പിനു ചെറിയ വ്യതിയാനം.. ഉടനെ ആംബുലന്‍സ് തിരിച്ചു ഇങ്ങോട്ട് തന്നെ.. വീണ്ടും രോഗി ICU വിലേക്ക്..

മൂത്രത്തിന്റെ അളവ് തീരെ കുറഞ്ഞത്‌ കാരണം dialysis ചെയ്യേണ്ട കാര്യം സൂചിപ്പിച്ചു.. രോഗിയുടെ അവസ്ഥ മോശം ആയി  വരുന്നത് കണ്ടിട്ടും dialysis നു ബന്ധുക്കള്‍ സമ്മതം തരുന്നില്ല. കിഡ്നി രോഗ വിദഗ്ധന്‍ ഉള്‍പ്പെടെ dialysis ടീം സര്‍വ്വസജ്ജമാണ് ആശുപത്രിയില്‍.. എന്നാലും വിശ്വാസം പോര..

" ഒന്നുകില്‍ വിശ്വാസമുള്ള സ്ഥലത്തേക്ക് രോഗിയെ കൊണ്ട് പോവുക.. അല്ലെങ്കില്‍ ഞങ്ങളെ അത് ചെയ്യാന്‍ അനുവദിക്കുക.  ഇത് രണ്ടും ഇല്ലാതെ ഇങ്ങനെ മുന്നോട്ട് പോയാല്‍ ഏതാനും മണിക്കൂറുകള്‍ കഴിയുമ്പോളേക്കും അവസ്ഥ വളരെ മോശമാവാന്‍ സാധ്യതയുണ്ട്.. "

"dialysis ചെയ്‌താല്‍ കിഡ്നി ശരിയാവുമോ? രോഗി രക്ഷപ്പെടുമോ"?
ന്യായമായ ചോദ്യം.. അതിനു വിശദമായി മറുപടിയും കൊടുത്തു

"dialysis എന്നത് കിഡ്നിയുടെ പ്രവര്‍ത്തനം ശരിയാവുന്നത് വരേയ്ക്കും രോഗിയുടെ ജീവന്‍ നിലനിര്‍ത്താന്‍ ഉള്ള ഒരു ഉപാധി മാത്രമാണ്.. അസുഖം കാരണം തകരാറിലായ  പ്രവര്‍ത്തനം തിരിച്ചു കിട്ടുന്നത് വരെ കിഡ്നിയുടെ ജോലി ഒരു മഷീന്‍ മുഖേന ചെയ്യുന്നു.. അസുഖം മാറിയാല്‍ കിഡ്നി പ്രവര്തനക്ഷമമാവും. dialysis ചെയ്തു എന്ന ഒറ്റ കാരണം കൊണ്ട് കിഡ്നിയുടെ നില മെച്ചപ്പെടില്ല.  അതുകൊണ്ട് തന്നെ അടിസ്ഥാന അസുഖത്തില്‍ പുരോഗതി വരാതെ രോഗി രക്ഷപ്പെടുന്ന കാര്യം പറയാന്‍ കഴിയില്ല.."

വീണ്ടും ചര്‍ച്ചകള്‍.. പലരും വീണ്ടും എന്നോട് കാര്യങ്ങള്‍ ചോദിക്കുന്നു.. പറഞ്ഞ കാര്യങ്ങള്‍ തന്നെ പല തവണ പലരോടും വീണ്ടും വീണ്ടും പറയേണ്ടി വരുന്നു.. അതനുസരിച്ച് ഒപി സമയം നീണ്ടു പോവുന്നു.. പറഞ്ഞു പറഞ്ഞു ഞാനും ഒപിക്ക് പുറത്തു കാത്തിരിക്കുന്ന രോഗികളും മുഷിയുന്നു.. ഇതൊക്കെ ജോലിയുടെ ഭാഗം എന്നോര്‍ത്ത് സമാധാനപ്പെടുന്നു.. ഇത്രയൊക്കെ ആയിട്ടും dialysis നു സമ്മതം തരുന്നില്ല.. അന്നത്തെ ദിവസവും കടന്നു പോയി..

പിറ്റേന്ന് രാവിലെ സ്ഥിതി കൂടുതല്‍ മോശമായി.. തൃശ്ശൂരിലെ ആശുപത്രിക്ക് പകരം പെരിന്തല്‍മണ്ണയിലെ മറ്റൊരു സ്വകാര്യ ആശുപത്രിയിലേക്ക് കൊണ്ട് പോവാനാണ് ഇന്നത്തെ തീരുമാനം..  തുടര്‍ന്നു വീണ്ടും പഴയ ഒരുക്കങ്ങള്‍.. പുതിയ ബന്ധുക്കളുടെ പുതിയതും പഴയതുമായ ചോദ്യങ്ങളും എന്‍റെ ഉത്തരങ്ങളുമായി ഒരുപാട് മണിക്കൂറുകള്‍.  രോഗിയെ ഷിഫ്റ്റ്‌ ചെയ്യാന്‍ വേണ്ട ഒരുക്കങ്ങള്‍ എല്ലാം ചെയ്തു ഞാന്‍ ഒപിയിലേക്ക് പോന്നു.. പതിവിലും വളരെ വൈകി എത്തിയതിന്റെ മുഷിപ്പ് പുറത്തു കാത്തിരിക്കുന്ന രോഗികളുടെ മുഖത്ത് വായിച്ചെടുക്കാം.. ഒപി തുടങ്ങി ഏതാനും മിനിട്ടുകള്‍ കഴിഞ്ഞപ്പോള്‍ വീണ്ടും ഒപിയിലേക്ക് ബന്ധുക്കള്‍ കയറി വരുന്നു.. പെരിന്തല്‍മണ്ണയിലെ കിഡ്നി ഡോക്ടറുമായി ഞാന്‍ ഫോണില്‍ സംസാരിക്കണം.. അതാണ്‌ പുതിയ ആവശ്യം..

എല്ലാം വിശദമായി റഫറന്‍സ് കുറിപ്പില്‍ എഴുതിയിട്ടുണ്ട്. അത് അവിടെ കാണിച്ചു കൊടുത്താല്‍ മതി. ചെയ്ത പരിശോധനകളുടെയും നല്‍കിയ ചികിത്സകളുടെയും പൂര്‍ണ്ണ വിവരങ്ങളും അതില്‍ ഉണ്ട്.. ഒപി ഇത്ര വൈകിയ സ്ഥിതിക്ക്  ഇനി എനിക്ക് ഫോണ്‍ ചെയ്തു സമയം കളയാന്‍ വയ്യ.. ഒപി കഴിഞ്ഞ  ശേഷം ആവശ്യമെങ്കില്‍ ഞാന്‍ ഡോക്ടറെ വിളിക്കാം..

അല്ല ഡോക്ടര്‍ അവിടെ വിളിച്ചു അവിടന്ന് സമ്മതം പറഞ്ഞാലേ ഞങ്ങള്‍ പോവുന്നുള്ളൂ...

അതല്ല.. മനസ് അവിടെയും ശരീരം ഇവിടെയുമായി നിങ്ങള്‍ ഇവിടെ നില്‍ക്കാതിരിക്കുന്നത് തന്നെയാണ് നല്ലത്. പൂര്‍ണ്ണ മനസും സഹകരണവും ഇല്ലാതെ രോഗിയെ ചികിത്സിക്കാന്‍ ബുദ്ധിമുട്ടാണ്..

പിന്നീട് കൂടുതല്‍ ഒന്നും പറയാതെ ഞാന്‍ ഒപി തുടര്‍ന്നു.. രോഗിയെ പെരിന്തല്‍മണ്ണയിലേക്ക് കൊണ്ടുപോയി

പ്രതീക്ഷിച്ച പോലെ തന്നെ 3 ദിവസങ്ങള്‍ക്കു ശേഷം രോഗി മരിച്ചെന്നു അറിയാന്‍ കഴിഞ്ഞു..  ക്രമേണ ഈ സംഭവം ഞാനും മറന്നു..

ഇനിയാണ് കഥയിലെ ട്വിസ്റ്റ് ..  ഈ സംഭവം നടന്നു കൃത്യം 2 മാസങ്ങള്‍ക്ക് ശേഷം വലിയൊരു കൂട്ടം ആളുകള്‍ ആശുപത്രിയില്‍ വരുന്നു..  വലിയ ശബ്ദ കോലാഹലങ്ങള്‍ ഉണ്ടാക്കി ചെയര്‍മാന്റെ മുറിയിലേക്ക് തള്ളി കയറുന്നു.   ഞാന്‍ ഒപി കഴിഞ്ഞു പോയ ശേഷമാണ് സംഭവം. ബഹളം വെയ്ക്കാന്‍ വരാന്‍ തിരഞ്ഞെടുത്ത സമയത്തിന് ഒരു പ്രത്യേകത ഉണ്ട്. HELLP syndrome എന്ന ഗുരുതരമായ രോഗം ബാധിച്ചു ഒരു ഗര്‍ഭിണി മരണപ്പെട്ടതുമായി ബന്ധപ്പെട്ടു ആശുപത്രിയില്‍ ഒരു ഒച്ചപ്പാടും ബഹളവും കഴിഞ്ഞു ഏതാനും ദിവസമേ ആയിട്ടുള്ളൂ.. ഗര്‍ഭിണിയുടെ മരണം സ്വാഭാവികമായും കൂടുതല്‍ പ്രശ്നങ്ങള്‍ ഉണ്ടാക്കുമല്ലോ.. എന്ത് കാരണം കൊണ്ടാണ് മരിച്ചത് എന്നതൊന്നും പ്രസക്തമേ അല്ല.. ഒരു പ്രമുഖ രാഷ്ട്രീയ പാര്‍ട്ടി ഒക്കെ ഇടപെട്ടു ഏതാനും ദിവസങ്ങള്‍ ആ പ്രശ്നം ചൂടാക്കി നിര്‍ത്തുകയും ചെയ്തിരുന്നു..  അതിനു തൊട്ടു പിന്നാലെയാണ്  അതേ പാര്‍ടി പ്രവര്‍ത്തകര്‍ എന്ന് അവകാശപ്പെട്ടു ആളുകള്‍ മേല്‍ പറഞ്ഞ എന്‍റെ രോഗിക്ക് വേണ്ടി ബഹളം വെയ്ക്കാന്‍ വന്നിരിക്കുന്നത്..

ഡോക്ടര്‍ രോഗിയുടെ ബന്ധുക്കളോട് വളരെ മോശമായി പെരുമാറി എന്നാന്നു പരാതി.. എഴുതി തയ്യാറാക്കിയ വലിയൊരു പരാതി കടലാസ് ചെയര്‍മാന് കൈമാറുന്നു.  ഡോക്ടറുമായി സംസാരിച്ചു നാളെ മറുപടി തരാം എന്ന് പറഞ്ഞു തല്ക്കാലം ബഹളക്കാരെ മടക്കി വിടുന്നു..

പിറ്റേന്നാണ് ഈ പരാതി ഞാന്‍ കാണുന്നത്.. പരാതിയിലെ പ്രസക്ത ഭാഗങ്ങള്‍ :

1. ഒരു കുഴപ്പവും ഇല്ലാതെ വന്ന ആളെ ചികിത്സിച്ചു കുളമാക്കി

2. രോഗിയെ ബന്ധുക്കളുടെ സമ്മതം ചോദിക്കാതെ ventilator ഇല്‍ പ്രവേശിപ്പിച്ചു  ( രോഗിയുടെ ഭര്‍ത്താവ് സ്വന്തം കൈപടയില്‍ ഒപ്പിട്ട സമ്മത പത്രം കേസ് ഫയലില്‍ ഇരിപ്പുണ്ട് )

3. ബന്ധുക്കളുടെ ചോദ്യത്തിനു ശരിയായ രീതിയില്‍ മറുപടി പറഞ്ഞില്ല,
  ( മറുപടി കൊടുക്കാന്‍ ഞാന്‍ വിനിയോഗിച്ച സമയം ഉണ്ടായിരുന്നേല്‍ ഒരു വാഴ അല്ല, വാഴ തോട്ടം തന്നെ ഉണ്ടാക്കാമായിരുന്നു )

4. അറിവില്ലായ്മ കൊണ്ട് ചോദിച്ച ചോദ്യത്തിനു ഡോക്ടര്‍ ദേഷ്യപ്പെട്ടു. കാല്‍ക്കല്‍ വീണ രോഗിയുടെ മകനെ പോടാ പട്ടീ എന്ന് വിളിച്ചു ചവിട്ടി മാറ്റി
( കള്ളം പറഞ്ഞോട്ടെ.. പക്ഷെ കേള്‍ക്കുന്ന ആളുകള്‍ക്ക് ഒരു വിശ്വാസം ഒക്കെ തോന്നേണ്ടേ.. പട്ടീ എന്ന് വിളിച്ചു ഡോക്ടര്‍ തൊഴിച്ചാല്‍ അങ്ങുന്നെ ഏമാനെ എന്നൊക്കെ വിളിച്ചു തൊഴുതു നില്‍ക്കുന്ന ആളുകള്‍ ആണല്ലോ ഇന്ന് നമ്മുടെ നാട്ടില്‍ ഉള്ളത്.. അതും സംഭവം നടന്നു 2 മാസങ്ങള്‍ക്ക് ശേഷം ആശുപത്രി ഒരു വിഷമ ഘട്ടത്തില്‍ നില്‍ക്കുന്ന സമയം കൃത്യമായി തിരഞ്ഞെടുത്തു പ്രശ്നം ഉണ്ടാക്കാന്‍ വന്ന ആളുകള്‍ !!!! )

5. വേറെ ആശുപത്രിയിലേക്ക് കൊണ്ട് പോയാല്‍ രോഗി മരിക്കും എന്ന് ഭീഷണിപ്പെടുത്തി
( മറ്റു ആശുപത്രിയില്‍ ചെയ്യുന്നത് എല്ലാം ഇവിടെയും ഉണ്ട്, കൊണ്ട് പോയത് കൊണ്ട് മാത്രം പ്രത്യേകിച്ച് ഗുണം ഒന്നും ഇല്ല എന്ന് പറഞ്ഞതാണ് ഈ രൂപത്തില്‍ ഇറക്കിയിരിക്കുന്നത് )

പരാതിയില്‍ എഴുതാതെ കൂടെ വന്ന ഒരാള്‍ പറഞ്ഞ വാ മൊഴി
" അയാളുടെ Facebook പോസ്റ്റുകള്‍ ഒക്കെ ഞങ്ങള്‍ വായിച്ചു.. അയാള്‍ ഒരു വര്‍ഗീയവാദി ആണ്.. ഞങ്ങള്‍ ........ പാര്‍ട്ടിയുടെ ആളുകള്‍ ആണ്.. പുറത്തു നിന്ന് പണി കൊടുക്കും.. ഞങ്ങള്‍ ആവില്ല പണി കൊടുക്കുന്നത്.. അതിനു പറ്റിയ ആളുകള്‍ വേറെ ഉണ്ട്.. !!  എന്തായാലും എന്‍റെ പോസ്റ്റുകള്‍ക്ക് ഇത്രയും coverage ഉണ്ടെന്നു അന്നാണ് മനസിലായത് !!

പിറ്റേ ദിവസം വൈകുന്നേരം വീണ്ടും വന്നിരിക്കുന്നു.. ആശുപത്രി അധികൃതര്‍ എനിക്കെതിരെ എന്ത് നടപടി എടുത്തു എന്ന് അറിയാന്‍ വന്നിരിക്കുകയാണ്..

ഡോക്ടറുടെ ഭാഗത്ത്‌ തെറ്റൊന്നും ഇല്ല എന്നാണു എന്‍റെ അന്വേഷണത്തില്‍ മനസിലായത് എന്ന് ചെയര്‍മാന്റെ മറുപടി ...

അത് പിന്നെ നിങ്ങള്‍ ഒക്കെ ഒരു ടീം അല്ലെ.. ഇങ്ങനെയല്ലേ പറയൂ.. നിങ്ങളെ രണ്ടിനെയും ഞങ്ങള്‍ ഇവിടെ കെട്ടി തൂക്കും.. !!
എന്നാല്‍ പിന്നെ നിങ്ങള്‍ അങ്ങനെ ചെയ്യ്,.. അല്ലാതെ ഞാന്‍ എന്ത് പറയാന്‍ എന്ന് ചെയര്‍മാന്‍..

സംഭവത്തിന്റെ സത്യാവസ്ഥ അവരുടെ മനസുകളില്‍ ഉള്ളത് കൊണ്ടായിരിക്കണം എന്നെ തിരഞ്ഞു വീട്ടില്‍ വന്നില്ല.. ആശുപത്രി തല്ലി പൊളിച്ചും ഇല്ല.. ഭീഷണിയിലും പുലഭ്യം പറച്ചിലിലും അവസാനിച്ചു ..

സാധാരണ ഇത്തരം സംഭവങ്ങളില്‍ രോഗിഗളുടെ ബന്ധുക്കളുടെ വെര്‍ഷന്‍ മാത്രമേ പുറത്തു വരാറുള്ളൂ.. ഡോക്ടര്‍മാര്‍ ഇതൊന്നും എഴുതാന്‍ മിനക്കെടാറില്ല.. പക്ഷെ ആരും പുറത്തു പറഞ്ഞില്ലെങ്കില്‍ ജനങ്ങള്‍ സത്യം അറിയില്ലല്ലോ ..  പലപ്പോഴും പെട്ടന്നുള്ള ഒരു വികാര തള്ളിച്ചയില്‍ ആണ് പ്രശ്നങ്ങള്‍ ഉണ്ടാവാറു. അപ്രതീക്ഷിത മരണങ്ങള്‍ ഉള്‍ക്കൊള്ളാന്‍ നമ്മുടെ ജനതയ്ക്ക് അറിയില്ല.  മരണം എന്നത് ജനനം പോലെയുള്ള ഒരു യാഥാര്‍ത്ഥ്യമാണ് .  ഓരോരുത്തരും ഓരോ രീതിയില്‍ മരിക്കുന്നു എന്ന് മാത്രം.. മരണം എന്ന പ്രക്രിയ ലോകത്ത് നിന്ന് ഇല്ലായ്മ ചെയ്യാന്‍ വേണ്ടി അവതരിച്ച പ്രത്യേക അവതാരങ്ങള്‍ അല്ലല്ലോ ഡോക്ടര്‍മാര്‍. ഓരോ മരണവും ഒഴിവാക്കാന്‍ ഞാന്‍ ഉള്‍പ്പെടെ എല്ലാ ഡോക്ടര്‍മാരും കിണഞ്ഞു പരിശ്രമിക്കുന്നു..  ഗുരുതരാവസ്ഥയില്‍ ഒരു രോഗി തന്റെ കീഴില്‍ അഡ്മിറ്റ്‌ ആയി കിടക്കുമ്പോള്‍ ഓരോ ഡോക്ടറും കടുത്ത സമ്മര്‍ദം അനുഭവിക്കുന്നു. ബന്ധുക്കള്‍ അനുഭവിക്കുന്ന സമ്മര്‍ദം പോലെ അല്ലാത്ത മറ്റൊരു സമ്മര്‍ദം.. ഊണിലും ഉറക്കത്തിലും ആ രോഗിയെ കുറിച്ച് തന്നെ ചിന്തിക്കുന്നു.. എന്തെങ്കിലും വിട്ടു പോയിട്ടുണ്ടോ, കൂടുതല്‍ എന്തെങ്കിലും ചെയ്യാന്‍ ഉണ്ടോ എന്നും..  മറ്റു ഡോക്ടര്‍മാരുമായി കാര്യങ്ങള്‍ ചര്‍ച്ച ചെയ്യുന്നു.. അല്ലാതെ റൌണ്ട്സ് കഴിഞ്ഞ ഉടനെ രോഗിയുടെ കാര്യം ഞങ്ങള്‍ മറന്നു കളയുന്നില്ല..  ഇത്രയൊക്കെ ചെയ്താലും ചിലപ്പോള്‍ രോഗി മരണപ്പെടാം. അതിനു വികാരം കൊണ്ടിട്ടു എന്ത് കാര്യം?  ഡോക്ടര്‍മാരും വികാരവും വിചാരവും കുടുംബവും എല്ലാം ഉള്ള പച്ച മനുഷ്യരാണ്..

എന്നാല്‍ മേല്‍ പറഞ്ഞ സംഭവം പെട്ടന്നുള്ള ഒരു വികാര പ്രകടനം അല്ല.. കൃത്യമായി ആസൂത്രണം ചെയ്തു, കൃത്യമായ സമയം തിരഞ്ഞെടുത്തു നടത്തിയ ഗുണ്ടാ ആക്രമണമാണ്.. അതിനു എന്ത് വിശദീകരണം തരാന്‍ കഴിയും ??

ഡോക്ടര്‍മാര്‍  സാധാരണ മനുഷ്യരാണ്.. അവരില്‍  ഔഷധ ഗുണം ഇല്ല. രസായനം വച്ച് കഴിച്ചത് കൊണ്ട് പ്രത്യേകിച്ച് ഒന്നും ആര്‍ക്കും  നേടാനില്ല ..ദയവു ചെയ്തു   വെറുതെ വിടൂ.. എപ്പോള്‍ വേണമെങ്കിലും ഞങ്ങള്‍ക്ക് എതിരെ തിരിഞ്ഞെക്കാവുന്ന ശത്രുക്കളായി നിങ്ങളെ കണ്ടു,  പ്രതിരോധത്തിലേക്ക് ഉള്‍വലിഞ്ഞു ചികിത്സിക്കേണ്ട അവസ്ഥയിലേക്ക് ഡോക്ടര്‍മാരെ  തള്ളി വിടരുത്.. അത് മൂലം ഇടം  വലം തിരിയാന്‍ നിങ്ങള്‍ക്ക് സമ്മത പത്രം എഴുതേണ്ടി വന്നേക്കാം ,സ്വന്തം  ഭാഗം കൂടുതല്‍ സുരക്ഷിതമാക്കാനുള്ള, അത്യാവശ്യമില്ലാത്ത ചില  ടെസ്റ്റുകള്‍ ഡോക്ടര്‍മാര്‍ നിങ്ങളെ കൊണ്ട് ചെയ്യിച്ചേക്കാം .. മാത്രമല്ല തൊട്ടടുത്തുള്ള ആശുപത്രിയില്‍ ചികിത്സിച്ചു ഭേദം ആക്കാവുന്ന ചെറുകിട അസുഖങ്ങള്‍ക്ക് പോലും വന്‍കിട ആശുപത്രികളിലേക്ക് റെഫര്‍ ചെയ്യപ്പെടേണ്ട അവസ്ഥയും നിങ്ങള്ക്ക് വന്നു പെട്ടേക്കാം. ഇതെല്ലാം ഡോക്ടര്‍ - രോഗീ ബന്ധം വഷളാക്കുന്നവയാണ്. ചികിത്സ ഡോക്ടര്‍ക്കും രോഗിക്കും കൂടുതല്‍ ബുദ്ധിമുട്ടാവുകയും ചെയ്യും

അനേകം സംഭവങ്ങളില്‍ ഒന്ന് മാത്രമാണിത്.  ഇതിലും മോശമായവയും ധാരാളം. എല്ലാ ഡോക്ടര്‍മാര്‍ക്കും ഇത്തരത്തില്‍ പറയാനുണ്ടാവും കുറെ കഥകള്‍. നിലവിലുള്ള ശാസ്ത്രീയ രീതികളില്‍ ഊന്നി രോഗിയെ ചികിത്സിക്കുക എന്നതു മാത്രമേ ഒരു ഡോക്ടര്‍ക്ക് ചെയ്യാന്‍ കഴിയൂ. രക്ഷപ്പെടലും മരണവും എല്ലാം അതിന്റെ ഭാഗമാണ്. സ്വന്തം രോഗിയെ രക്ഷിക്കാനും അവര്‍ക്ക് നല്ലത് വരാനും മാത്രമേ ഏതൊരു ഡോക്ടറും പരിശ്രമിക്കൂ.  ജനനം പോലെ തന്നെ മരണവും പ്രകൃതി നിയമമാണ്. ഇന്നല്ലെങ്കില്‍ നാളെ വിവിധ രൂപത്തില്‍ നമ്മളെയെല്ലാം തേടിയെത്തുന്ന ഒരു നിയമം. എല്ലാ മരണങ്ങളും ഓരോ തരത്തിലുള്ള നഷ്ടങ്ങള്‍ തന്നെയാണ്. അതിനെ തരണം ചെയ്യാന്‍ ഒരു സാമൂഹ്യ ജീവി എന്ന നിലയില്‍ നമ്മള്‍ പഠിച്ചേ തീരൂ.  ഡോക്ടറില്‍ നിന്നും ആശുപത്രി അധികൃതരില്‍ നിന്നും നിങ്ങള്‍ പ്രതീക്ഷിക്കുന്ന സൗമ്യമായ പെരുമാറ്റം അവര്‍ തിരിച്ചും പ്രതീക്ഷിക്കുന്നുണ്ടെന്നു മനസിലാക്കുക.

"ഗള്‍ഫില്‍ പോവാന്‍ വേണ്ടി മെഡിക്കല്‍ എടുത്തതാണ്.. മഞ്ഞപ്പിത്തത്തിന്റെ കുഴപ്പം ഉണ്ടെന്നു പറഞ്ഞു തിരിച്ചു വിട്ടു. ചികിത്സ എടുത്തു ശരിയാക്കിയ ശേഷം തിരിച്ചു വരാന്‍ പറഞ്ഞു"  ഇതും പറഞ്ഞു കൊണ്ട് മെഡിക്കല്‍ റിപ്പോര്‍ട്ടിന്റെ കോപ്പി എന്‍റെ കയ്യിലേക്ക് നീട്ടുന്ന ചെറുപ്പക്കാരന്‍,,

പ്രതീക്ഷിച്ചത് പോലെ തന്നെ Hepatitis B ടെസ്റ്റ് പോസിറ്റീവ് ആണ്.  പാവം,,അവനു അറിയില്ല ഈ റിപ്പോര്‍ട്ട്‌ അവന്‍റെ ഗള്‍ഫ് സ്വപ്നങ്ങള്‍ക്ക് മേല്‍ കരിനിഴല്‍ വീഴ്ത്തും എന്ന് ..

"രോഗിയുടെ ബ്ലഡ്‌ എടുക്കുമ്പോള്‍ അറിയാതെ സൂചി കയ്യില്‍ തറച്ചു .. രോഗി hepatitis B പോസിറ്റീവ് ആണ്.. ഞാന്‍ hepatitis B കുത്തിവെപ്പ് എടുത്തിട്ടില്ല ..എന്ത് ചെയ്യും ?? "  ലാബിലെ സ്റ്റാഫ്‌  ന്റെ പരിഭ്രാന്തമായ ചോദ്യം ..

"hepatitis B ഉള്ള രോഗിയുടെ പ്രസവം എടുക്കുമ്പോള്‍ സ്രവങ്ങള്‍ ശരീരത്തില്‍ ആയി.. എനിക്ക് രോഗം വരുമോ ?"

ഡോക്ടര്‍.. ഞാന്‍ hepatitis B പോസിറ്റീവ് ആണ്.. എനിക്ക് കല്യാണം കഴിക്കാമോ? ഭാര്യക്ക്‌ അസുഖം പകരുമോ?"

ഇതില്‍ ഏതെങ്കിലും ഒരു ചോദ്യം ഒരിക്കലെങ്കിലും കേള്‍ക്കേണ്ടി വരാത്ത ഡോക്ടര്‍മാര്‍ ഉണ്ടാവാന്‍ സാധ്യത ഇല്ല.

എന്താണ് hepatitis B? ഇത്രയ്ക്കു പ്രശ്നക്കാരന്‍ ആണോ അവന്‍?  ആണ് എന്ന് തന്നെയാണ് ഉത്തരം. ഇത്തിരിക്കുഞ്ഞനായ ഒരു വൈറസാണ് hepatitis B. ഇത്  ബാധിച്ച എല്ലാവര്‍ക്കും പ്രശ്നം ഉണ്ടാവണം എന്നില്ല. പക്ഷെ നേരത്തെ പറഞ്ഞ ഗള്‍ഫ്‌ ചെറുപ്പക്കാരനെ പോലെ ചിലപ്പോള്‍ ജീവിതം വഴി മുട്ടിയേക്കാം.. ലാബിലെ കുട്ടിയെ പോലെ രോഗം പ്രതിരോധിക്കാന്‍ വേണ്ടിയുള്ള ഇമ്മുനോഗ്ലോബുലിന്‍ കുത്തിവെപ്പ് എടുത്തു വലിയൊരു തുക മുടക്കേണ്ടി വരാം.. അസുഖം ഉള്ള കാര്യം മറച്ചു വച്ച് കല്യാണം കഴിച്ചു മറ്റൊരാള്‍ക്ക് കൂടി അസുഖം വരുത്തി വെക്കുമോ എന്ന് ആലോചിച്ചു വിഷമിക്കേണ്ടി വരാം.. ഇതൊന്നുമല്ലെങ്കില്‍ hepatitis B വൈറസ്‌ ന്റെ ആക്രമണം മൂലം കരള്‍ നശിച്ചു പോയോ കരളിലെ കാന്‍സര്‍ പിടിപെട്ടോ മരിക്കേണ്ടിയും വരാം..

രോഗം വന്നു ചികിത്സിക്കുന്നതിലും നല്ലത് രോഗം വരാതെ നോക്കുന്നതാണ് എന്ന ചൊല്ല് hepatitis B യുടെ കാര്യത്തില്‍ വളരെ പ്രസക്തമാണ്.  hepatitis B ക്ക് ചികിത്സ ലഭ്യമാണ്.. പക്ഷെ വളരെ ചിലവേറിയതാണ്.. ചികിത്സ എടുക്കുക വഴി Hepatitis B വൈറസിന്റെ കടുത്ത ആക്രമണത്തില്‍ നിന്നും തുടര്‍ന്നുണ്ടാകുന്ന പ്രശ്നങ്ങളില്‍ നിന്നും വലിയൊരു അളവ് വരെ രക്ഷപ്പെടാമെങ്കിലും പൂര്‍ണമായി ശരീരത്തില്‍ നിന്നും അവനെ പുറംതള്ളാന്‍ പ്രയാസമാണ്.. എന്നാല്‍ ആധുനിക വൈദ്യ ശാസ്ത്രം hepatitis B വൈറസിന് മുന്നില്‍ മുട്ട് മടക്കിയിട്ടില്ല. വസൂരി, പോളിയോ തുടങ്ങിയ അപകടകാരികളായ വൈറസുകളെ  നാം മെരുക്കിയ അതേ വജ്രായുധം ഇവിടെയും ഉണ്ട്.. പ്രതിരോധ കുത്തിവെപ്പ് എന്ന ആയുധം.. അതെ , ചെലവ് കുറഞ്ഞതും വളരെ ഫലപ്രദവുമായ പ്രതിരോധ കുത്തിവെപ്പ് നിലവില്‍ ഉണ്ടായിരിക്കെയാണ് നമുക്ക് ചുറ്റും പലരും ഈ വൈറസിന് ഇരയാവുന്നത് എന്നതാണ് സങ്കടകരമായ വസ്തുത ..

മറ്റു പല വൈറസ്‌ രോഗങ്ങളില്‍ നിന്നും എന്താണ് hepatitis B വൈറസിന്റെ വ്യത്യാസം?

1.  രോഗം ഉള്ള ആളുകള്‍ പൊതുവേ പുറമേക്ക് ഒരു ലക്ഷണവും കാണിക്കില്ല . എന്നാല്‍ ഈ അവസ്ഥയിലും അവര്‍ അസുഖം മറ്റുള്ളവരിലേക്ക് പകര്‍ത്താം.

2. ഒരു പക്ഷെ ഒരു ആയുഷ്കാലം മുഴുവന്‍ കുഴപ്പമൊന്നും ഉണ്ടാക്കാതെ രോഗിയുടെ ശരീരത്തില്‍ നിലനില്‍ക്കാം

3. രോഗം പകര്‍ന്ന ഉടനെയോ അനേകം വര്‍ഷങ്ങള്‍ക്കു ശേഷമോ പ്രശ്നക്കരനായേക്കാം

4. AIDS വൈറസിനെക്കാള്‍ വേഗത്തില്‍ ഒരാളില്‍ നിന്ന് മറ്റൊരാളിലേക്ക് പകരാം

5. മറ്റു പല വൈറസ്‌ രോഗങ്ങളെക്കാള്‍ എളുപ്പത്തില്‍ പ്രധിരോധിക്കാന്‍ കഴിയും

എങ്ങനെയാണ് ഈ വൈറസ്‌ മറ്റുള്ളവരിലേക്ക് പകരുന്നത് എന്ന് നോക്കാം

പുതിയ കണക്കുകള്‍ പ്രകാരം ലോകത്ത് 250 മില്ല്യന്‍ ആളുകള്‍ ഈ വൈറസിനെ ശരീരത്തില്‍ വഹിക്കുന്നുണ്ട്,  6 ലക്ഷത്തോളം പേര്‍ ഒരു ഒരു വര്‍ഷം hepatitis B വൈറസ്‌ സംബന്ധമായ കരള്‍ രോഗം കൊണ്ട് മരണപ്പെടുന്നുമുണ്ട് . വൈറസ്‌ ഒരാളില്‍ നിന്ന് മറ്റൊരാളിലേക്ക് പകരുന്ന പ്രധാന രീതി ലോകത്തിന്റെ പല ഭാഗങ്ങളിലും  വ്യത്യസ്തമാണ്.  ആഫ്രിക്ക പോലെയുള്ള രാജ്യങ്ങളില്‍ പ്രധാനമായും അമ്മയില്‍ നിന്ന് കുഞ്ഞിലേക്ക് പകര്‍ന്നവയാണ് കൂടുതല്‍.  അമേരിക്ക പോലുള്ള വികസിത രാജ്യങ്ങളില്‍ സുരക്ഷിതമല്ലാത്ത ലൈംഗിക  ബന്ധം വഴിയും മയക്കു മരുന്നുകള്‍ കുത്താന്‍ ഉപയോഗിക്കുന്ന സൂചികള്‍ പങ്കു വെക്കുന്നതിലൂടെയുമാണ് രോഗം കൂടുതലും പകരുന്നത് .  സുരക്ഷിതമല്ലാത്ത ലൈംഗിക ബന്ധം ആണ് ഇവയില്‍ ഏറ്റവും പ്രധാനം. പുരുഷ സ്വവര്‍ഗ്ഗ രതിയിലൂടെ രോഗം പകരാന്‍ സാധ്യത വളരെ കൂടുതലാണ്. ഒന്നിലധികം ലൈംഗിക  പങ്കാളികള്‍ ഉള്ളവരിലും രോഗ സാധ്യത കൂടുതലാണ്.

രോഗ ബാധിതരുടെ ശരീര സ്രവങ്ങളില്‍ വൈറസിന്റെ സാന്നിധ്യം ഉണ്ടാവും. ഈ സ്രവങ്ങള്‍ ശരീരത്തില്‍ ആയാല്‍, ത്വക്കിലെ ചെറിയ മുറിവുകളോ പോറലുകളോ വഴി അസുഖം പകരാം.  ബ്ലേഡ്, കത്തി, ടൂത്ത് ബ്രഷ്, കളിപ്പാട്ടങ്ങള്‍ എന്നിവ പങ്കു വെക്കുന്നതിലൂടെ പോലും രോഗം പകരാം. ഒരേ വീട്ടില്‍ താമസിക്കുന്ന പലരിലും ഒരുമിച്ചു അസുഖം ബാധിക്കുന്നത് ഇത്തരത്തിലാണ്. പലപ്പോഴും എടുത്തു പറയത്തക്ക തരത്തില്‍ വേറെ ഒരു കാരണവും ഇത്തരക്കാരില്‍ കാണാറില്ല താനും..

ആരോഗ്യ രംഗത്ത് ജോലി ചെയ്യുന്നവര്‍ക്ക് രോഗം പകരാന്‍ സാധ്യത വളരെ കൂടുതലാണ്. രോഗിയില്‍ നിന്ന് ഡോക്ടര്‍മാര്‍ ഉള്‍പ്പെടെയുള്ള രോഗീ പരിചരണത്തില്‍ ഏര്‍പ്പെടുന്ന ആര്‍ക്കും രോഗം പകരാം, രോഗികളുടെ വിവിധ സ്രവങ്ങള്‍ കൈകാര്യം ചെയ്യുന്ന ലാബ് ജീവനക്കാര്‍ക്കും രോഗ സാധ്യത വളരെ കൂടുതലാണെന്ന കാര്യം പ്രത്യേകം പറയേണ്ടതില്ലല്ലോ .  അതിനാല്‍ ഈ മേഖലയില്‍ പ്രവര്‍ത്തിക്കുന്ന ആളുകള്‍ hepatitis B പ്രധിരോധ കുത്തിവെപ്പ് എടുക്കാതിരിക്കുന്നതിനെ ഒരു തരത്തിലും ന്യായീകരിക്കാന്‍ കഴിയില്ല.

ശരിയായ രീതിയില്‍ അണുവിമുക്തമാക്കാത്ത ശസ്ത്രക്രിയ ഉപകരണങ്ങളില്‍ നിന്നും രോഗം പകരാം. ശാസ്ത്രക്രിയകള്‍ക്കും എന്റൊസ്കോപി തുടങ്ങിയ പരിശോധനകള്‍ക്ക് മുന്നേയും hepatitis B പരിശോധിക്കുന്നതും ഇക്കാരണത്താലാണ് .  പച്ച കുത്തല്‍, അക്യൂ പങ്ക്ച്ചര്‍ ചികിത്സ വഴിയും രോഗം പകരാന്‍ സാധ്യതയുണ്ട് .

രോഗം ഉള്ള ആളുടെ രക്തം സ്വീകരിക്കുന്നത്  എളുപ്പത്തില്‍  രോഗം പകരുന്ന വഴികളില്‍ ഒന്നാണ് . രക്തം മറ്റുള്ളവരില്‍ കയറ്റുന്നതിനു മുന്നേ hepatitis വൈറസ്‌ ബാധ ഉണ്ടോ എന്ന് ചെക്ക് ചെയ്യാറുണ്ട്.  എന്നാല്‍ വൈറസ്‌ ശരീരത്തില്‍ കടന്നു ടെസ്റ്റ് പോസിറ്റീവ് ആവാന്‍ ഏതാനും ആഴ്ചകള്‍ എടുക്കും. വിന്‍ഡോ പിരീഡ് എന്ന് പറയുന്ന ഈ സമയത്ത് രക്തം ദാനം ചെയ്താല്‍ ടെസ്റ്റില്‍ വൈറസ്‌ കണ്ടു പിടിക്കപ്പെടാതെ മറ്റുള്ളവരിലേക്ക് പകരാന്‍ സാധ്യതയുണ്ട്.  ഡയാലിസിസ് പോലെയുള്ള രക്തസംബന്ധമായ ചികിത്സ ചെയ്യുന്ന രോഗികള്‍ക്ക് അസുഖം പകരാന്‍ സാധ്യത വളരെ കൂടുതലാണ്.

അണുബാധയുള്ള ഒരാളുടെ അവയവം സ്വീകരിക്കുന്നത് മൂലവും അസുഖം പകരാന്‍ സാധ്യതയുണ്ട്

വൈറസ്‌ ശരീരത്തില്‍ കടന്നാല്‍ എന്ത് സംഭവിക്കും ??

വൈറസ്‌ ശരീരത്തില്‍ പ്രവേശിച്ച ആളുകളില്‍ 70% പേരിലും പ്രത്യേകിച്ച് ഒരു ലക്ഷണവും ഉണ്ടാവില്ല എന്നതാണ് വസ്തുത. 30% പേരില്‍ മാത്രമേ ചിലപ്പോള്‍ പനി, ചെറിയ മഞ്ഞപ്പിത്തം തുടങ്ങിയ പ്രശ്നങ്ങള്‍ ഉണ്ടാവാറുള്ളൂ..  വൈറസ്‌ ബാധയേറ്റ വ്യക്തിയുടെ രോഗ പ്രതിരോധ ശേഷിയും ആരോഗ്യവും സാധാരണ നിലയില്‍ ആണെങ്കില്‍ ശരീരം സ്വയം വൈറസില്‍ നിന്ന് രക്ഷ നേടാനുള്ള സാധ്യത 95% ആണ്.  നിര്‍ഭാഗ്യവാന്മാരായ ബാക്കി 5% ആളുകളിലും രോഗപ്രതിരോധ ശേഷി കുറഞ്ഞ ആളുകളിലും വൈറസ്‌ സ്ഥിരമായി ശരീരത്തില്‍ നിലയുറപ്പിച്ചു chronic hepatitis എന്ന അവസ്ഥയിലേക്ക് പോവാന്‍ സാധ്യത ഉണ്ട്.  അമ്മയില്‍ നിന്നും കുഞ്ഞിലേക്ക് പ്രസവ സമയത്ത് പകര്‍ന്നു കിട്ടുന്ന അസുഖവും chronic സ്റ്റേജ് ആവാന്‍ സാധ്യത കൂടുതലാണ്.  ഇത്തരം അവസ്ഥയില്‍ എത്തിയാല്‍ പിന്നെ എന്ത് ചെയ്താലും വൈറസ്‌ പൂര്‍ണ്ണമായി ശരീരത്തില്‍ നിന്ന് വിട്ടു പോവാതെ വരാം .  എങ്കിലും ഒരു വര്‍ഷത്തില്‍ ഇത്തരം ആയിരം പേരില്‍ അഞ്ചു പേര്‍ക്ക് അസുഖം തനിയെ മാറിപോവാന്‍ സാധ്യത ഉണ്ടെന്നും കണക്കുകള്‍ സൂചിപ്പിക്കുന്നു..

വൈറസ്‌ ബാധ ഉള്ളയാളുടെ ശരരീരത്തിലെ ഒട്ടുമിക്ക അവയവങ്ങളിലും വൈറസ്‌ കാണുമെങ്കിലും പ്രധാനമായും  പ്രവര്‍ത്തിക്കുന്നത് കരളിലാണ്. ചിലരില്‍ കരളിനു പ്രത്യേകിച്ച് കുഴപ്പം ഒന്നും ഉണ്ടാകാത്ത രീതിയില്‍ ജീവിത കാലം മുഴുവന്‍ ഇവ നിന്നേക്കാം.ഇത്തരം ആളുകളെ chronic carrier എന്നാണു പറയുന്നത്. മറ്റു ചില ആവശ്യങ്ങള്‍ക്ക് വേണ്ടി രക്തം പരിശോധിക്കുന്ന സമയത്ത് വൈറസ്‌ ബാധ കണ്ടെതുന്നവരില്‍ ഭൂരിഭാഗവും chronic carriers ആയിരിക്കും. എന്നാല്‍ മറ്റു ചിലരില്‍ കരളിനു വ്യാപകമായ നാശം സംഭവിച്ചു അതീവ ഗുരുതരമായ Fulminant Hepatitis എന്ന അവസ്ഥയിലേക്ക് പോയേക്കാം.  മറ്റു ചിലരില്‍ ചെറിയ തോതിലുള്ള നാശം കുറെ നാളുകളായി തുടര്‍ന്നു കൊണ്ട് അവസാനം സിറോസിസ് എന്ന ഗുരുതരമായ കരള്‍ രോഗത്തില്‍ എത്തിപ്പെടാം. മറ്റു ചിലരില്‍ കരളിനെ ബാധിക്കുന്ന കാന്‍സര്‍ ആയിരിക്കാം  പരിണിത ഫലം.  പലപ്പോഴും സിറോസിസ് വന്ന ശേഷമാവും വൈറസ്‌ ശരീരത്തില്‍ ഉണ്ടായിരുന്നു എന്ന് അറിയുന്നത് തന്നെ.

hepatitis B അണുബാധ കണ്ടുപിടിക്കപ്പെട്ടാല്‍ എന്ത് ചെയ്യണം?

ശരീരത്തില്‍ വൈറസ്‌ കണ്ടെത്തി എന്ന ഒറ്റ കാരണം കൊണ്ട് മാത്രം ചികിത്സ എടുക്കേണ്ട  കാര്യമില്ല.  വൈറസിന്‍റെ അളവ്, പ്രവര്‍ത്തന തീവ്രത, ശരീരത്തിന് സംഭവിച്ച തകരാറുകള്‍ എന്നിവയുടെ അടിസ്ഥാനത്തില്‍ രോഗികളെ പല കാറ്റഗറി ആയി തിരിക്കലാണ്  ചികിത്സയുടെ  ആദ്യ ഘട്ടം.  ഇതിനായി ചില രക്ത പരിശോധനകളും ultrasound സ്കാനിങ്ങും ആവശ്യമുണ്ട്. രക്ത പരിശോധനകളില്‍ ചിലത് അല്പം ചിലവേറിയതുമാണ്.  വൈറസിന്റെ അളവും പ്രവര്‍ത്തന തീവ്രതയും  താരതമ്യേന കുറവും കാര്യമായ നാശം കരളിനു സംഭവിചിട്ടില്ലാത്തതുമായ ആളുകള്‍ chronic കാരിയര്‍ വിഭാഗത്തില്‍ പെടുന്നു. ഇത്തരം ആളുകള്‍ക്ക് ചികിത്സ ആവശ്യമില്ല. ചികില്‍സിച്ചത്‌ കൊണ്ട് പ്രത്യേകിച്ച് ഗുണം ഒന്നും ഇല്ല താനും. പക്ഷെ വൈറസ്‌ കൂടുതല്‍ ശക്തി പ്രാപിച്ചു ശരീരത്തില്‍ നാശം വിതച്ചു തുടങ്ങുന്നുണ്ടോ എന്ന് കൃത്യമായ ഇടവേളകളില്‍ പരിശോധിച്ചു ഉറപ്പു വരുത്തേണ്ടതുണ്ട്.

വൈറസിന്‍റെ അളവും പ്രവര്‍ത്തന തീവ്രതയും കൂടുതല്ലുള്ള ആളുകള്‍ chronic active hepatitis എന്ന വിഭാഗത്തില്‍ പെടുന്നു. അത്തരം ആളുകള്‍ക്ക് ചികിത്സ ആവശ്യമാണ്. ദീര്‍ഘ കാലം തുടരേണ്ടതും ചിലവേറിയതുമാണ് ചികിത്സ. വൈറസ്‌ നെ ചെറിയ അളവിലേക്ക് ഒതുക്കി ശരീരത്തിന് സംഭവിക്കുന്ന കേടുപാടുകളില്‍ നിന്ന് വലിയ ഒരളവു വരെ രക്ഷപ്പെടാമെങ്കിലും പൂര്‍ണമായും വൈറസില്‍ നിന്ന് രക്ഷപ്പെടാന്‍ സാധ്യത കുറവാണ്. ചെറിയൊരു ശതമാനം ആളുകള്‍ പൂര്‍ണമായും രോഗവിമുക്തി നേടാറുമുണ്ട്.

ഇവിടെയാണ്‌ രോഗ പ്രതിരോധത്തിന്‍റെ പ്രസക്തി. എങ്ങനെയെല്ലാം ഈ വൈറസിനെ പ്രതിരോധിക്കാം എന്ന് നോക്കാം .
 
1. ചെലവ് കുറഞ്ഞതും 96% വരെ വൈറസ്‌ ബാധയില്‍ നിന്ന് സംരക്ഷണം തരുന്നതുമായ ഒരു വാക്സിന്‍ ഇന്ന് നിലവിലുണ്ട്. എല്ലാവരും എടുതിരിക്കേണ്ട ഒരു കുത്തിവെപ്പ് ആണിത്.  ഡോക്ടര്‍മാര്‍ ഉള്‍പ്പെടെയുള്ള രോഗീ പരിചരണത്തില്‍ ഏര്‍പ്പെടുന്ന എല്ലാവരും ലാബ്‌ ജീവനക്കാരും ഡയാലിസിസിന് വിധേയരാവുന്ന രോഗികള്‍, അടിക്കടി രക്തം കയറ്റേണ്ട അസുഖം ഉള്ളവര്‍ തുടങ്ങിയ വിഭാഗം ആളുകള്‍ നിര്‍ബന്ധമായും കുത്തിവെപ്പ് എടുക്കേണ്ടതുണ്ട്‌.  ആദ്യത്തെ കുത്തിവെപ്പിനു ശേഷം ഒരു മാസം തികയുമ്പോളും ആറു മാസം തികയുമ്പോളും ഓരോ ഡോസ് വീതം എടുക്കണം. മൊത്തം 3 ഡോസ്. 5 വര്‍ഷം കഴിയുമ്പോള്‍ ബൂസ്റ്റെര്‍ ഡോസ് എല്ലാവര്‍ക്കും വേണ്ടതില്ല. വാക്സിന്‍ എടുത്ത ഭൂരിഭാഗം ആളുകളും 5 വര്‍ഷത്തിനു ശേഷം വേണ്ടത്ര അളവിലുള്ള പ്രധിരോധ ശേഷി നിലനിര്‍ത്തുന്നു എന്നാണ് പഠനങ്ങള്‍ തെളിയിക്കുന്നത് .

2. ഒന്നിലധികം ലൈംഗിക  പങ്കാളികള്‍ ഉള്ളവര്‍ ആ സ്വഭാവം അവസാനിപ്പിക്കുക, ലൈംഗിക തൊഴിലാളികലുമായുള്ള ബന്ധത്തില്‍ നിന്ന് വിട്ടു നില്‍ക്കുക, സ്വവര്‍ഗ രതി ഒഴിവാക്കുക, ഒഴിവാകാന്‍ കഴിയാത്തവര്‍  ഗര്‍ഭ നിരോധന ഉറകള്‍ ഉപയോഗിക്കുക.

3. അമ്മയില്‍ നിന്നും കുഞ്ഞിലേക്കുള്ള രോഗ വ്യാപനം തടയാന്‍ മുന്‍കരുതല്‍ എടുക്കേണ്ടതുണ്ട്‌. ഇത്തരത്തിലുള്ള രോഗ പകര്‍ച്ച ഭൂരിഭാഗവും നടക്കുന്നത് പ്രസവ സമയത്തോ അതിനു തൊട്ടു മുന്‍പോ ആണ്. ജനിച്ച ഉടനെ കുഞ്ഞിനു hepatits B Immunoglobulin കുത്തിവെപ്പ് എടുക്കേണ്ടതുണ്ട്‌ . ആദ്യത്തെ ഡോസ് വാക്സിനും അതോടൊപ്പം തന്നെ തുടങ്ങണം. വാക്സിന്‍ മാത്രം എടുത്താല്‍ കുഞ്ഞു രോഗപ്രതിരോധ ശേഷി നേടുന്നതിനു മുന്നേ തന്നെ വൈറസ്‌ ശരീരത്തില്‍ വ്യാപിക്കാന്‍ സാധ്യതയുണ്ട് . അമ്മയുടെ ശരീരത്തില്‍ വൈറസ്‌ ലോഡ് വളരെ കൂടുതലാണെങ്കിൽ   ഗര്‍ഭകാലത്ത് വൈറസിന് എതിരെയുള്ള മരുന്നുകള്‍ കഴിക്കുന്നതും കുഞ്ഞിലേക്ക് രോഗം പകരാനുള്ള സാധ്യത കുറയ്ക്കും.

4. മയക്കു മരുന്ന് കുത്തിവെക്കുന്ന സ്വഭാവമുള്ളവര്‍ അത് നിര്‍ത്തുകയോ ചുരുങ്ങിയ പക്ഷം സൂചി പങ്കു വെക്കാതിരിക്കുകയോ ചെയ്യുക.

5. നേരത്തെ അസുഖം ഉള്ള രോഗികളെ കൈകാര്യം ചെയ്യുമ്പോള്‍ പാലിക്കേണ്ട സുരക്ഷ മുന്‍കരുതലുകള്‍ നിര്‍ബന്ധമായും എടുത്തിട്ടുണ്ടെന്ന് ഉറപ്പു വരുത്തുക.

6. അത്യാവശ്യ ഘട്ടങ്ങളില്‍ അല്ലാതെ രക്തം സ്വീകരിക്കുന്നത് ഒഴിവാക്കുക.

7. രോഗികളുടെ സ്രവങ്ങള്‍ കൈകാര്യം ചെയ്യുന്നവരും ശസ്ത്രക്രിയ ചെയ്യുന്ന ഡോക്ടര്‍മാരും മറ്റു സ്റ്റാഫും വേണ്ട സുരക്ഷാ മുന്‍കരുതല്‍ എടുക്കുക.

8. രക്ത, അവയവ ദാനത്തിനു മുന്നേ കൂടുതല്‍ കൃത്യതയുള്ള ടെസ്റ്റുകള്‍ ഉപയോഗിച്ച് സ്ക്രീനിംഗ് നടത്തുക.

9 പച്ചകുതല്‍, acupuncture തുടങ്ങിയവയില്‍ നിന്നും കഴിവതും മാറി നില്‍ക്കുക.

ഇനി ആദ്യം സൂചിപ്പിച്ച സംഭവങ്ങളിലേക്ക് വരാം.  മെഡിക്കല്‍ ഫിറ്റ്നെസ്  സ്ക്രീനിംഗ് സമയത്ത് hepatitis B പോസിറ്റീവ് ആയി കണ്ടാല്‍ മറ്റു രാജ്യങ്ങളിലേക്ക് ജോലിക്ക് പോവാന്‍ പ്രയാസമാണ്.  കാരണം പൂര്‍ണമായി hepatitis B മാറി രക്ത പരിശോധന നെഗറ്റീവ് റിപ്പോര്‍ട്ട്‌ കിട്ടാന്‍ സാധ്യത വളരെ കുറവാണ്.  ചെറിയൊരു ശതമാനം ആളുകളില്‍ അങ്ങനെ സംഭവിക്കാമെങ്കിലും അതിനു വര്‍ഷങ്ങള്‍ തന്നെ വേണ്ടിവന്നേക്കാം

രോഗിയുടെ സ്രവങ്ങള്‍ ദേഹത്ത് ആയാലോ രക്തം എടുക്കാന്‍ ഉപയോഗിച്ച സൂചി കയ്യില്‍ തറച്ചാലോ എന്ത് ചെയ്യണം ?

hepatitis B വാക്സിന്‍ എടുത്ത ആള്‍ ആണോ അല്ലയോ എന്നതാണ് ആദ്യത്തെ ചോദ്യം. വാക്സിന്‍ എടുത്തിട്ടില്ലാത്ത ആള്‍ ആണെങ്കില്‍ hepatitis B immunoglobulin എത്രയും പെട്ടന്ന് എടുക്കുകയും വാക്സിന്‍ തുടങ്ങി വെക്കുകയും വേണം.  immunoglobulin മരുന്നിനു വില അല്‍പ്പം കൂടുതലാണ്.

നേരത്തെ വാക്സിന്‍ എടുത്തിട്ടുള്ള ആളാണെങ്കില്‍ ശരീരത്തിലെ വൈറസ്‌ നെ പ്രധിരോധിക്കുന്ന antibody യുടെ അളവ് എത്രയെന്നു പരിശോധിച്ചു നോക്കണം. വൈറസിനെ പ്രധിരോധിക്കാന്‍ വേണ്ട മിനിമം അളവ് antibody രക്തത്തില്‍ ഉണ്ടെങ്കില്‍ ഒന്നും ചെയ്യേണ്ടതില്ല.    എന്നാല്‍ antibody ലെവല്‍ മിനിമത്തിലും താഴെ ആണെങ്കില്‍ immunoglobulin കുത്തിവെപ്പ് എടുക്കണം. അതോടൊപ്പം തന്നെ ഒരു ബൂസ്റ്റെര്‍ ഡോസ് വാക്സിനും  എടുക്കണം. ഒരു മാസത്തിനു ശേഷം വീണ്ടും antibody പരിശോധിച്ച് വേണ്ടത്ര അളവില്‍ എത്തിയിട്ടുണ്ടെങ്കില്‍ പിന്നീട് ഒന്നും ചെയ്യേണ്ടതില്ല. എന്നാല്‍ antibody ലെവല്‍ വീണ്ടും കുറവാണെങ്കില്‍ ബാക്കിയുള്ള 2 ഡോസ് വാക്സിന്‍ മുഴുവനായും എടുക്കേണ്ടതുണ്ട്‌ .

വാക്സിന്‍ തുടങ്ങി വച്ച് മുഴുവനാക്കാത്ത ഒരാള്‍ക്കാണ് ഈ അവസ്ഥ എങ്കില്‍ അയാളെ വാക്സിന്‍ എടുത്തിട്ടില്ലാത്ത ആളായി കണക്കാക്കി വേണം ചികിത്സിക്കാന്‍ .

അടുത്തത് കല്യാണ പ്രശ്നം.. ലൈംഗിക ബന്ധത്തിലൂടെ വൈറസ്‌ പങ്കാളിക്ക് പകരാന്‍ സാധ്യതയുണ്ട്.  കല്യാണത്തിന് മുന്നേ തന്നെ പങ്കാളിയെ വാക്സിന്‍ എടുപ്പിക്കുന്നതാണ് ഏറ്റവും നല്ല മാര്‍ഗ്ഗം. ഇതിനു ചില പ്രായോഗിക തടസ്സങ്ങള്‍ ഉണ്ടെന്ന കാര്യം വിസ്മരിക്കുന്നില്ല. അത് സാധ്യമല്ലെങ്കില്‍ കല്യാണത്തിന് ശേഷം എടുപ്പിക്കാം.. antibody ലെവല്‍ വേണ്ടത്ര ആവുന്നത് വരേക്കു ഗര്‍ഭ നിരോധന ഉറ ഉപയോഗിക്കുകയെ വഴിയുള്ളൂ..

സിറോസിസ്, കരളിലെ കാന്‍സര്‍ തുടങ്ങിയ മാരകമായ രോഗങ്ങള്‍ക്ക് കാരണമായേക്കാവുന്ന ഒരു വൈറസിനെ കുറിച്ച് നമ്മള്‍ മനസിലാക്കി. വളരെ നിശ്ശബ്ദമായി ആക്രമിക്കുന്ന ഇവനെ തിരിച്ചറിയാന്‍ തന്നെ വളരെ വൈകിയേക്കാം. ഈ സമയം കൊണ്ട് മറ്റു അനേകം പേരിലേക്ക് വൈറസ് നമ്മിലൂടെ എത്തിപ്പെടുകയും ചെയ്യാം. പൂര്‍ണ്ണമായി ചികിത്സിച്ചു സുഖപ്പെടുത്താന്‍ കഴിയില്ല പലപ്പോഴും..ചികിത്സ ചെലവ് കൂടിയതുമാണ്.. എന്നാല്‍ വേണ്ടത്ര മുന്‍കരുതലിലൂടെയും മികവുറ്റ ഒരു വാക്സിനിലൂടെയും ഈ വൈറസിനെ  ഏതാണ്ട് പൂർണ്ണമായും പ്രതിരോധിക്കാം..  മികച്ച പ്രതിരോധ സംവിധാനങ്ങള്‍ നിലവിലുള്ള ഒരു അസുഖത്തിന് കീഴടങ്ങേണ്ടി വരുന്നത് ഒരു പരിഷ്കൃത സമൂഹത്തിനു ഒട്ടും ഭൂഷണമല്ല. അതിനാൽ ഒന്നേ പറയാനുള്ളൂ ..വാക്സിൻ  എടുക്കൂ സന്തോഷിക്കൂ ..!!!